Լուրեր

Դեսպան Մկրտչյանի հանդիպումները Լատվիայի Սաեյմայի արտաքին հարաբերությունների հանձնաժողովի նախագահի, Լատվիայի ազգային գրադարանի տնօրենի, հայ համայնքի ներկայացուցիչների հետ

02.12.2016

Կից լուսանկարներ

Դեսպան Մկրտչյանի հանդիպումները Լատվիայի Սաեյմայի արտաքին հարաբերությունների հանձնաժողովի նախագահի, Լատվիայի ազգային գրադարանի տնօրենի, հայ համայնքի ներկայացուցիչների հետ

Դեսպան Մկրտչյանի հանդիպումները Լատվիայի Սաեյմայի արտաքին հարաբերությունների հանձնաժողովի նախագահի, Լատվիայի ազգային գրադարանի տնօրենի, հայ համայնքի ներկայացուցիչների հետ

 

Ամբողջ ալբոմ »

Ռիգա աշխատանքային այցի շրջանակներում համատեղության կարգով Լատվիայի Հանրապետությունում ՀՀ դեսպան Տիգրան Մկրտչյանը (նստավայրը՝ Վիլնյուս) դեկտեմբերի 2-ին հանդիպել է Սաեյմայի արտաքին հարաբերությունների հանձնաժողովի նախագահ Օյարս Էրիկս Կալնինշի հետ: 

Դեսպան Մկրտչյանն իր զրուցակցին ներկայացրել է ապրիլի սկզբին Ադրբեջանի կողմից Արցախի դեմ սանձազերծված ռազմական գործողությունների հետևանքները, ինչպես նաև Ադրբեջանի ապակառուցողական գործելաոճը միջազգային խորհրդարանական ձևաչափերում:

Դեսպան Մկրտչյանը ներկայացրել է ՀՀ-ԵՄ շրջանակային համաձայնագրի շուրջ ընթացող բանակցությունների ներկա փուլը:

Զրուցակիցները նաև մտքեր են փոխանակել միջազգային և տարածաշրջանային մի շարք հրատապ հարցերի շուրջ:

Դեկտեմբերի 1-ին ՀՀ դեսպանը հանդիպել է Լատվիայի Ազգային գրադարանի տնօրեն Անդրիս Վիլկսի հետ:

Հանդիպման ընթացքում զրուցակիցները քննարկել են երկու երկրների ազգային գրադարանների միջև համագործակցության հեռանկարները, անդրադարձ է կատարվել Հայաստանի Մատենադարանի հետ փոխգործակցություն հաստատելու հեռանկարներին, Լատվիայի Ազգային գրադարանում առաջիկայում տարբեր միջոցառումներ անցկացնելու հնարավորություններին: Երկուստեք կարևորվել է նաև գրադարանների տնօրենների փոխայցելությունների կազմակերպումը:

Նույն օրը դեսպան Մկրտչյանը Ռիգայի Սուրբ Գրիգոր Լուսավորիչ հայկական եկեղեցում հանդիպում է ունեցել հայ համայնքի ներկայացուցիչների հետ: Մասնակիցներին հյուրընկալել է Բալթյան երկրներում Հայ Առաքելական եկեղեցու հոգևոր հովիվ Տեր Խոսրով քահանա Ստեփանյանը:

Դեսպան Մկրտչյանը ներկայացրել է առաջիկայում Լատվիայում, Լիտվայում և Էստոնիայում նախատեսվող մշակութային միջոցառումների մանրամասները, քննարկել դեսպանություն-համայնք համագործակցության ոլորտները:

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր