Կայացավ ՀՀ Էկոնոմիկայի նախարար Գևորգ Պապայոնի այցը Լատվիա

09 սեպտեմբերի, 2024

Ս․ թ․ սեպտեմբերի 6-7-ը կայացավ ՀՀ Էկոնոմիկայի նախարար Գևորգ Պապայոնի այցը Լատվիա։

Լատվիայի Հանրապետություն կատարած այցի շրջանակում սեպտեմբերի 6֊ին նախարար ․Գ Պապոյանը հանդիպում է ունեցել Լատվիայի Հանրապետության էկոնոմիկայի նախարար Վիկտորս Վալայնիսի հետ։ Հանդիպմանը ներկա են եղել նաև Լիտվայում, Լատվիայում, Էստոնիայում ՀՀ արտակարգ և լիազոր դեսպան Արա Մարգարյանը, նախարարի տեղակալ Նարեկ Հովակիմյանը, Լատվիայում ՀՀ պատվավոր հյուպատոս Մխիթար Մխիթարյանը։

Հանդիպման ընթացքում անդրադարձ է կատարվել համատեղ հետաքրքրություն ներկայացնող և համագործակցության հեռանկարներ ունեցող մի շարք ուղղությունների՝ մասնավորապես՝ արդյունաբերության, գյուղատնտեսության, զբոսաշրջության և այլ ոլորտներին առնչվող հարցերի։

Երկուստեք կարևորվել են երկու երկրների միջև առկա բարեկամական հարաբերությունները, որոնք նպաստում են փոխգործակցության շարունակական զարգացմանն ու ամրապնդմանը:

Քննարկվել են արտահանման և ներմուծման նոր ուղիներ գտնելու հնարավորությունը, ապրանքաշրջանառության, արդյունաբերական նախագծերի համատեղ իրականացման և երկկողմ տնտեսական համագործակցության զարգացման վերաբերյալ մի շարք հարցեր։

Սեպտեմբերի 6֊ին նախարար Գ․Պապոյանը հանդիպել է նաև Լատվիայի գյուղատնտեսության նախարարության պետքարտուղար Գիրց Կրումինշի հետ։

Քննարկվել են Հայաստանի և Լատվիայի միջև առևտրատնտեսական հարաբերությունների զարգացմանը, Հայաստանի տնտեսության դիվերսիֆիկացմանը, տնտեսության տարբեր ուղղություններով համագործակցության ընդլայնմանը վերաբերող հարցեր։

Առանձին անդրադարձ է կատարվել արտահանման ծավալների ընդլայնման հնարավորություններին։

Նախարարը լատվիական կողմին ներկայացրել է ՀՀ տնտեսության ոլորտում իրականացվող պետական քաղաքականությունն ու տնտեսավարողներին առաջարկվող պետական աջակցության գործիքակազմը։

Նախարարն իր խոսքում անդրադարձել է նաև գործարար կապերի ամրապնդման ու ընդլայնման անհրաժեշտությանը։

Այցի շրջանակներում նախարար Գ․ Պապոյանը Ռիգա քաղաքում մասնակցել է «Riga Food 2024» սննդի, խմիչքների, սննդի վերամշակման տեխնոլոգիաների, փաթեթավորման, նորարարության, ՀոՌեԿա և խանութների սարքավորումների և ծառայությունների 29-րդ միջազգային ցուցահանդեսին և այցելել «EggEnergy» ընկերություն, որը զբաղվում է կանաչ տնտեսության զարգացմամբ՝ էներգիայի այլընտրանքային աղբյուրների և տեխնոլոգիական իննովացիաների կիրառմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր