ՀՀ Էկոնոմիկայի նախարար Գևորգ Պապոյանը այցը «Riga Food 2024» սննդի, խմիչքների, սննդի վերամշակման տեխնոլոգիաների, փաթեթավորման, նորարարության, սարքավորումների և ծառայությունների 29-րդ միջազգային ցուցահանդեսին

10 սեպտեմբերի, 2024

Լատվիայում պաշտոնական այցով գտնվող ՀՀ Էկոնոմիկայի նախարար Գևորգ Պապոյանը, Լիտվայում ՀՀ դեսպան Արա Մարգարյանն ու նախարարի տեղակալ Նարեկ Հովակիմյանը Լատվիայի Հանրապետության մայրաքաղաքում՝ Ռիգայում, մասնակցել են «BT1» միջազգային ցուցահանդեսային ընկերության կողմից կազմակերպված «Riga Food 2024» սննդի, խմիչքների, սննդի վերամշակման տեխնոլոգիաների, փաթեթավորման, նորարարության, սարքավորումների և ծառայությունների 29-րդ միջազգային ցուցահանդեսին։

Ցուցահանդեսին իրեն մասնակցությունն էին ապահովել նաև Հայաստանի Հանրապետության ներկայացուցիչները։ Հայաստանի Հանրապետությունը մասնակցում էր միասնական հայկական տաղավարով՝ ներկայացնելով 27 հայկական ընկերության արտադրանք (ալկոհոլային խմիչք, ըմպելիք, շոկոլադ, թեյ, պատրաստի սնունդ և այլն)։

Նախարարը շրջել է ցուցահանդեսի տաղավարներով, ծանոթացել ներկայացված արտադրանքին, զրուցել մասնակիցների հետ։

Ընդհանուր առմամբ, այս տարի ցուցահանդեսը հյուրընկալում էր 12 երկիր՝ ազգային տաղավարով, ինչպես նաև ընկերություններ, առևտրային ցանցերի ներկայացուցիչներ Լատվիայից, Լիտվայից, Սլովակիայից, Վրաստանից, Ուկրաինայից, Բուլղարիայից, Իտալիայից, Մեծ Բրիտանիայից, Իսպանիայից, Լեհաստանից, Ուզբեկստանից, Էստոնիայից, Գերմանիայից, Շվեդիայից, Ֆրանսիայից և այլ երկրներից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր