Հայաստանի Հանրապետության Անկախության 33-րդ տարեդարձին նվիրված հանդիսավոր ընդունելություն Էստոնիայում

03 հոկտեմբերի, 2024

Ս.թ. սեպտեմբերի 27-ին Էստոնիայում Հայաստանի դեսպանությունը կազմակերպել էր Հայաստանի Հանրապետության Անկախության 33-րդ տարեդարձին նվիրված հանդիսավոր ընդունելություն՝ Տալլինի՝ Մաարյամաե պատմական թանգարան-պալատում։

Ընդունելությանը մասնակցում էին Էստոնիայի պետական բարձրաստիճան և հասարակական գործիչներ, Տալլինում հավատարմագրված դեսպաններ, դիվանագետներ, հասարակական կազմակերպությունների, տեղի հայ համայնքի ներկայացուցիչներ, ինչպես նաև սեպտեմբերի 25-28-ին Տալլինում աշխատանքային այցով գտնվող ՀՀ Ազգային ժողովի Հայաստան-Լատվիա, Լիտվա, Էստոնիա բարեկամական խումբը՝ Արսեն Թորոսյանի գլխավորությամբ:

Երեկոյի պատվավոր հյուրն էր Ռիիգիկոգուի (Էստոնիայի խորհրդարան) արտաքին հարաբերությունների հանձնաժողովի նախագահ Մարկո Միհկելսոնը։

Ընդունելությանը ելույթ ունեցան դեսպան Արա Մարգարյանը, Մարկո Միհկելսոնը ու Հայաստան-Լատվիա, Լիտվա, Էստոնիա բարեկամական խմբի ղեկավարԱրսեն Թորոսյանը։

Դեսպան Մարգարյանն իր խոսքում նշեց Հայաստանի Հանրապետության 33 տարիների ձեռքբերումների, առկա մարտահրավերների ու հնարավորությունների, խաղաղության ու կայունության կարևորության, ինչպես նաև Հայաստանի եվրոպական հավակնությունների ու ապագայի մասին։

Դեսպանը, հանձնաժողովի նախագահն ու բարեկամական խմբի ղեկավարը ընդգծեցին նաև երկու երկրների՝ ժողովրդավարության համընդհանուր արժեքների վրա հիմնված բարեկամությունը, հայ-էստոնական հարաբերությունների խորացման խոստումնալից դինամիկան ու պատրաստակամությունը՝ հետագա համագործակցության հարցում։

Հատուկ շնորհակալություն ենք հայտնում միջոցառման կազմակերպմանն իրենց աջակցությունը ցուցաբերած՝ GADARA, Armenia Wine, Pernod Ricard,, ինչպես նաև Տալլինի Argo Spirit, Naturka, Noy ընկերություններին և Mashtots School հայկական դպրոցին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր