«Հայաստան՝ բնավորությամբ երկիր» զբոսաշրջային ուղեցույցի շնորհանդեսը Վիլնյուսում

15 ապրիլի, 2025

2025թ. ապրիլի 2-ին, Վիլնյուսում՝ Հայաստանի Հանրապետության դեսպանության և Լիտվայում ՀՀ պատվավոր հյուպատոս Կարապետ Բաբայանի համագործակցությամբ, տեղի ունեցավ «Հայաստան՝ բնավորությամբ երկիր» զբոսաշրջային ուղեցույցի շնորհանդեսը։

Ուղեցույցը հրատարակվել է 2024թ. դեկտեմբերին՝ Կարապետ Բաբայանի հովանավորությամբ։

Ուղեցույցի նպատակներն են՝

նպաստել Հայաստանի զբոսաշրջային ոլորտի զարգացմանը, ավելացնել Հայաստանի մասին իրազեկվածությունը, ներկայացնել Հայաստանի հարուստ մշակութային ժառանգությունը

Միջոցառմանը բացման խոսքով հանդես եկավ Լիտվայում ՀՀ արտակարգ և լիազոր դեսպան Արա Մարգարյանը, որին հաջորդեց ուղեցույցի խմբագիր Օնա Նոսեվիչիենեի ելույթը։

Շնորհանդեսին ներկա էին՝

Լիտվայում հավատարմագրված դեսպաններ

Դիվանագիտական կորպուսի ներկայացուցիչներ

Լիտվայի ԱԳՆ և պետական գերատեսչությունների պաշտոնյաներ

Զբոսաշրջային ոլորտի ներկայացուցիչներ

Լիտվական առաջատար Lrytas լրատվական գործակալության լրագրողներ

Հայ համայնքի ներկայացուցիչներ և այլ հյուրեր

Միջոցառումը հյուրընկալել էր Վիլնյուսի հայտնի HeJi ժամանցային կենտրոնը՝ Հրանց ընտանիքի հովանավորությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր