Դեսպան Տիգրան Մկրտչյանի և Լիտվայի գիտությունների ակադեմիայի նախագահի հանդիպումը

11 հունիսի, 2019

Հունիսի 11-ին Լիտվայում ՀՀ դեսպան Տիգրան Մկրտչյանը հանդիպեց Լիտվայի գիտությունների ակադեմիայի նախագահ Յուրաս Բանիսին (Jūras Banys):

Հանդիպման ընթացքում քննարկվեց գիտության ոլորտում հայ-լիտվական համագործակցության սերտացմանը, փոխադարձ այցելությունների կազմակերպանը, մասնագիտական վերապատրաստման և գիտնականների, հետազոտողների փոխանակման ծրագրերին առնչվող հարցերի լայն շրջանակ։

Դեսպան Մկրտչյանը նշեց, որ գոյություն ունեցող իրավապայմանագրային հիմքը լավ հնարավորություններ է ընձեռում ոլորտային համագործակցություն հաստատելու համար՝ միաժամանակ կարևորելով Լիտվայում հայագիտության ավանդույթների պահպանման և հետագա զարգացման անհրաժեշտությունը։

Լիտվայի գիտությունների ակադեմիայի նախագահն իր հերթին նշեց, որ երկու երկրների գիտությունների ակադեմիաների միջև ավանդաբար առկա է կառուցողական երկխոսություն և համագործակցության մեծ ներուժ, որն օգտագործելով հնարավոր կլինի կյանքի կոչել բազմաթիվ հաջողված նախագծեր։

Դեսպան Մկրտչյանը ներկայացրեց նաև ընթացիկ տարում ՀՀ դեսպանության կողմից իրականացվելիք միջոցառումները, անդրադարձ կատարվեց համատեղ ծրագրերի հնարավորությանը: Ողջունելով դեսպանի առաջարկները՝ Յուրաս Բանիսն իր պատրաստակամությունը հայտնեց աջակցելու և համահեղինակելու ՀՀ դեսպանության նախաձեռնությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր