Դեսպան Տիգրան Մկրտչյանի և լիտվացի աշխարհահռչակ բասկետբոլիստ, Լիտվայի բասկետբոլի ֆեդերացիայի նախագահ Արվիդաս Սաբոնիսի հանդիպումը

11 հուլիսի, 2019

Հուլիսի 11-ին Լիտվայում ՀՀ դեսպան Տիգրան Մկրտչյանը հանդիպեց լիտվացի աշխարհահռչակ բասկետբոլիստ, Լիտվայի բասկետբոլի ֆեդերացիայի նախագահ Արվիդաս Սաբոնիսին (Arvydas Sabonis)։

Հանդիպման ընթացքում զրուցակիցներն անդրադարձան Հայաստանի և Լիտվայի միջև սպորտի բնագավառում համագործակցության սերտացմանը և երկու երկրների բասկետբոլային ֆեդերացիաների միջև կապերի հաստատմանը։

Դեսպան Մկրտչյանը նշեց, որ Հայաստանում մեծ է հետաքրքրությունը սպորտաձևի նկատմամաբ և լիտվական կողմի մասնագիտական և մարզչական աջակցությունը կարող է հիմք հանդիսանալ դրա մասսայականացման համար։

Արվիդաս Սաբոնիսն իր հերթին նշեց, որ Լիտվայի բասկետբոլի ֆեդերացիան պատրաստ է աջակցել Հայաստանում սպորտաձևի զարգացմանը՝ իր պատրաստակամությունը հայտնելով նաև առաջիկայում այցելել Հայաստան, տեղում ծանոթանալ իրավիճակին և քննարկել համագործակցությանն առնչվող մյուս հարցերը։

Դեսպան Մկրտչյանը շնորհակալություն հայտնեց հյուրընկալվելու և ցուցաբերած պատրաստակամության համար՝ հույս հայտնելով, որ երկկողմ համագործակցության շնորհիվ հնարավոր կլինի զարկ տալ սպորտաձևի զարգացմանը Հայաստանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր