«Վարդապետի լռությունը» ֆիլմի ցուցադրություն Կլայպեդայի LCC միջազգային համալսարանում

15 նոյեմբերի, 2019

Նոյեմբերի 15-ին Լիտվայում ՀՀ դեսպանությունը Կոմտասի 150-ամյակին նվիված միջոցառումների շրջանակներում Կլայպեդայի “LCC” միջազգային համալսարանում կազմակերպել էր Վիգեն Չալդրանյանի «Վարդապետի լռությունը» ֆիլմի ցուցադրությունը։

Միջոցառմանը ներկա էր համալսարանի ղեկավարությունը, դասախոսներ, ուսանողներ, հայ համայնքի ներկայացուցիչներ։

Ներկայացնելով ֆիլմի սյուժեն՝ դեսպան Մկրտչյանը նշեց, որ այն ներկայացնում է Հայոց ցեղասպանությունից հետո Կոմիտասի կյանքի ողբերգական դրվագները, ժամանակակից գրողի աչքերով փորձ է արվում ուսումնասիրել Կոմիտասի կենսագրության փարիզյան շրջանը և բացահայտել Վիլ-Ժուիֆի հոգեբուժարանում վարդապետի կյանքի վերջին տարիների գաղտնիքը:

Դեսպանը նաև հավելեց, որ գաղթի և աքսորի ճանապարհին Կոմիտասի ու հայ մտավորականության զրկանքների տեսարանները հանդիսատեսին հնարավորություն են տալիս տեղափոխվելու 1915 թ․ և վերապրելու այն զգացողությունները, ինչը պատճառ է դարձել Կոմիտաս վարդապետի լռության, և իր մեջ ամփոփվելու համար, ինչպես նաև հասկանալու ցեղասպանության ողջ դաժանությունն ու արհավիրքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր