Լիտվայում ՀՀ դեսպանի և Յոնիշկիսի քաղաքապետի հանդիպումը

19 հունիսի, 2020

Հունիսի 19-ին Լիտվայում ՀՀ դեսպան Տիգրան Մկրտչյանը Յոնիշկիս կատարած աշխատանքային այցի ընթացքում հանդիպեց քաղաքապետ Վիտալիյուս Գայլիուսին։

Ողջունելով դեսպան Մկրտչյանին՝ քաղաքապետ Գայլիուսը ներկայացրեց կորոնավիրուսի համավարակի հաղթահարման և աստիճանաբար բնականոն կյանքի վերադարձի ուղղությամբ քաղաքային իշխանությունների ձեռնարկած միջոցառումները՝ հույս հայտնելով, որ իրավիճակի շուտափույթ կայնունացում տեղի կունենա նաև Հայաստանում։

Շնորհակալություն հայտնելով ընդունելության և ջերմ խոսքերի համար՝ դեսպան Մկրտչյանը նշեց, որ Լիտվայի կողմից Հայաստան ուղարկված բուժանձնակազմը և բժշկական օգնությունն անկասկած իրենց ավանդը կներդնեն այդ գործում։

Հանդիպման ընթացքում քննարկվեց նաև համատեղ միջոցառումների անցկացման և համավարակի հետևանքով հետաձգված ծրագրերի իրականացման ժամանակացույցը, պայմանավորվածություն ձեռք բերվեց այս տարվա ընթացքում Յոնիշկիսի և Հայաստանի համայնքներից մեկի հետ համագործակցության հաստատման գործընթացն ավարտին հասցնելու։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր