Դեսպան Տիգրան Մկրտչյանի և Էստոնիայի Արևելյան գործընկերության կենտրոնի նոր տնօրեն, դեսպան Գերտ Անցուի հանդիպումը

07 սեպտեմբերի, 2020

Սեպտեմբերի 7-ին Էստոնիայում ՀՀ դեսպան Տիգրան Մկրտչյանը (նստավայրը՝ Վիլնյուս) Էստոնիա աշխատանքային այցի շրջանակներում հանդիպում է ունեցել Էստոնիայի Արևելյան գործընկերության կենտրոնի նոր տնօրեն, ԱլԳ հարցերով հիմնական ներկայացուցիչ, դեսպան Գերտ Անցուի հետ:

Հանդիպմանը զրուցակիցները քննարկել են կենտրոնի ակտիվ գործունեությունը՝ 2017 թվականին ԵՄ-ում Էստոնիայի նախագահության շրջանականերում, ինչպես նաև առաջիկա նախատեսվող ծրագրերը:

Դեսպան Մկրտչյանը զրուցակցի հետ անդրադարձել է համագործակցության առավել առաջնային ոլորտներին՝ ընդգծելով արդեն իսկ առկա գործընկերության լավ փորձը, մասնավորապես՝ դատաիրավական ոլորտում: Խոսվել է նաև կրթական ոլորտում համագործակցությունը խորացնելու կարևորության մասին:

Ի թիվս այս հարցերի՝ քննարկվել են նաև Հայաստան-Էստոնիա համագործակցության ընդլայնման կարևորությունն ու հեռանկարները ԵՄ շրջանակներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր