Դեսպան Մկրտչյանի հանդիպումը Էստոնիայի խորհրդարանում ISAMAA-Erakond խմբակցությունից Հայաստանի հետ բարեկամական խմբի անդամների հետ

08 սեպտեմբերի, 2020

Սեպտենբերի 8-ին Էստոնիայում ՀՀ դեսպան Տիգրան Մկրտչյանը (նստավայրը՝ Վիլնյուս) Էստոնիա աշխատանքային այցի շրջանակներում հանդիպում է ունեցել Էստոնիայի խորհրդարանում ISAMAA Erakond խմբակցությունից (բաղկացած Pro Patria և Res Publica Union կուսակցություններից) Հայաստանի հետ բարեկամական խմբի անդամների, այդ թվում՝ բարեկամության խմբի ղեկավար Ռայվո Տամի հետ:

Հանդիպման սկզբում դեսպան Տիգրան Մկրտչյանը շնորհակալություն է հայտնել՝ Կորոնավիրուսային համաճարակի դեմ պայքարի շրջանակներում Էստոնիայի կառավարության կողմից Հայաստանին տրամադրված աջակցության համար:

Հանդիպմանը դեսպան Մկրտչյանը զրուցակիցներին ներկայացրել է վերջին շրջանում տարածաշրջանում տեղի ունեցող զարգացումները, մասնավորապես խոսել է հուլիսին տավուշյան դեպքերից հետո Ադրբեջանի հակահայկական հռետորաբանության շարունակականության մասին:

Կողմերը նաև անդրադարձել են Էստոնիայում ՀՀ դեսպանության գործունեության, հատկապես նախորդ տարի ու այս տարվա առաջին կիսամյակում կազմակերպած միջոցառումների և նախաձեռնությունների, ինչպես նաև առաջիկայում նախատեսվող ծրագրերի մասին: Մտքեր են փոխանակվել Հայաստան-ԵՄ և Հայաստան-Էստոնիա հարաբերությունների զարգացման հեռանկարների շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր