Դեսպան Արմեն Մարտիրոսյանն իր հավատարմագրերի պատճենը հանձնեց Լիտվայի ԱԳՆ պետական և դիվանագիտական արարողակարգի ղեկավարին

10 մայիսի, 2021

Մայիսի 10-ին Լիտվայում ՀՀ նորանշանակ դեսպան Արմեն Մարտիրոսյանն իր հավատարմագրերի պատճենը հանձնեց Լիտվայի ԱԳՆ պետական և դիվանագիտական արարողակարգի ղեկավար Նելիաս Տամկևիչյուսին (Neilas Tamkevičius):

Ողջունելով Հայաստանի նորանշանակ դեսպանին՝ Նելիաս Տամկևիչյուսը շնորհավորեց նրան պաշտոնը ստանձնելու կապակցությամբ և հաջողություն մաղթեց իր առաքելության մեջ: Ն․ Տամկևիչյուսը հավելեց, որ Լիտվան մեծապես շահագրգռված է Հայաստանի հետ հարաբերությունների խորացմամբ և զարգացմամբ:

Շնորհակալություն հայտնելով ջերմ խոսքերի համար՝ դեսպան Մարտիրոսյանը վստահեցրեց, որ Լիտվայում ՀՀ դեսպանի պաշտոնում կներդնի իր ողջ եռանդը երկկողմ հարաբերություններն առավել ամրապնդելու և առկա բազմոլորտ համագործակցությունն ընդլայնելու համար:

Հանդիպման ընթացքում զրուցակիցները քննարկեցին նաև երկկողմ օրակարգի մի շարք հարցեր, անդրադարձ կատարեցին առաջիկա բարձրաստիճան փոխայցելությունների կազմակերպման ընթացքին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր