Վիլնյուսում կայացավ Գրիգոր Նարեկացու «Մատյան ողբերգության» աուդիոգրքի շնորհանդեսը

28 փետրվարի, 2022

Փետրվարի 28-ին՝ կորոնավիրուսային համաճարակի պատճառով մեկ տարի ուշացումով, Վիլնյուսում ՀՀ պատվո հյուպատոսության և Լիտվայի ազգային գրադարանի կողմից իրականացվեց 2021 թվականին Լիտվայում ՀՀ դեսպանության նախաձեռնությամբ և կազմակերպմամբ վերահրատարակված Սբ Գրիգոր Նարեկացու «Մատյան ողբերգության» աուդիոգրքի շնորհանդեսը:

Ներկաներին ողջունել և բացման խոսքով խոսք են եկել Վիլնյուսում ՀՀ պատվավոր հյուպատոս Կարապետ Բաբայանը և Բալթյան երկրներում հայ առաքելական եկեղեցու առաջնորդ, Վարդան եպիսկոպոս Նավասարդյանը: Գրքից հատվածներ են ընթերցել լիտվացի անվանի դերասաններ Վիտաուտաս Ռումշասը, Ալդոնա Յանուշաուսկայտեն և Վլադաս Բագդոնասը:

Միջոցառմանը կատարումներով հանդես է եկել երաժշտական տրիոն՝ դուդուկահար Ս. Փետրիկիսի, գիթառահար և սակսոֆոնահար Դ. Փետերեիկիսի և դաշնակահար Դ. Սլիփկուսի մասնակցությամբ:

Ի թիվս այլոց, միջոցառմանը մասնակցել են Լիտվայի խորհրդարանի պատգամավորներ, Լիտվայում հայ համայնքի ներկայացուցիչներ, ի դեմս՝ ղեկավար Արայիկ Թունյանի, և Լիտվայի հասարաակության ընթերցասեր ու հայասեր անդամներ:

Միջոցառումը լայնորեն լուսաբանվել է լիտվական մամուլում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր