ՀՀ Էկոնոմիկայի նախարար Գևորգ Պապայոնի մասնակցությունը՝ Վիլնյուսի առևտրաարդյունաբերական և արհեստների պալատում հայ-լիտվական գործարար համաժողովի բացման արարողությանը

10 սեպտեմբերի, 2024

Լիտվայի Հանրապետություն կատարած այցի շրջանակում ՀՀ էկոնոմիկայի նախարար Գևորգ Պապոյանը ներկա է գտնվել Վիլնյուսի առևտրաարդյունաբերական և արհեստների պալատում հայ-լիտվական գործարար համաժողովի բացման արարողությանը։

Միջոցառմանը մասնակցել են նաև Լիտվայում ՀՀ արտակարգ և լիազոր դեսպան Արա Մարգարյանը, նախարարի տեղակալ Նարեկ Հովակիմյանը։

Ողջունելով համաժողովի մասնակիցներին՝ նախարարը ներկայացրել է Հայաստանի տնտեսության զարգացման մոդելը՝ նշելով, որ ներկայումս սպառման հաշվին աճող տնտեսական մոդելը փոխարինվում է ներդրումների հաշվին աճող տնտեսական մոդելով։ Նա նաև ավելացրել է, որ բազմաթիվ ծրագրեր են իրականացվում արդյունաբերության, լոգիստիկայի, անշարժ գույքի զարգացման, գյուղատնտեսության,զբոսաշրջության և այլ ոլորտներում, որոնք կարող են գրավիչ լինել լիտվացի գործարարների համար։

Համաժողովին մասնակցել են տնտեսության տարբեր ոլորտներ ներկայացնող գործարարներ Հայաստանից և Լիտվայից։

Համաժողովին մասնակցել է նաև Հայաստանից ժամանած Հայաստանի «Ներդրումների աջակցման կենտրոն» հիմնադրամի ներկայացուցիչը, ով ներկաներին ծանոթացրել է հիմնադրամի գործունեությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր