Լատվիայում կազմակերպվեց Սերգեյ Փարաջանովի ծննդյան 100-ամյակին նվիրված միջոցառումը

22 հոկտեմբերի, 2024

2024թ. հոկտեմբերի 19-ին Ռիգայի հայտնի պատմական կառույցներից մեկի՝ «Բանիամինի տուն սրահում, տեղի ունեցավ «Փարաջանով․ աշխարհներ՝ սցենարներ և նամակներ զոնայից» գրքի շնորհանդեսը՝ նվիրված Վարպետի ծննդյան 100-ամյակին։ Միջոցառումը կազմակերպվել էր Լատվիայում ճանաչում ունեցող հայազգի նկարչուհի-արվեստագետ Կարինե Պարոնյացի կողմից՝ Հայաստանի դեսպանության հետ սերտ համագործակցությամբ։

Գրքի համահեղինակներ են Կարինե Պարոնյանցը և Իլզե Պաեգլե-Մկրտչյանը։

Ներկա էին Լատվիայի ԱԳՆ պաշտոնյաներ, Ռիգայում հավատարմագրված երկրների դիվանագետներ, արվեստի և մշակույթի գործիչներ, լրագրողներ, հայ համայնքի ներկայացուցիչներ։

Ողջույնի խոսքով հանդես եկավ Լիտվայում ՀՀ արտակարգ և լիազոր դեսպան Արա Մարգարյանը,

Միջոցառումն ուղեկցվում էր դուդուկահար Տիգրան Թումանյանի կողմից հնչեցվող Սայաթ Նովայի ու Կոմիտասի երաժշտությամբ։

Գրքից հատվածներ ընթերցեցին Լատվիայում ճանաչված դերասան Գունդար Աբոլինշի կողմից։

Գրքի տպագրությանը աջակցել են Լատվիայի պետական մշակութային հիմնադրամը, ՀՀ ԿԳՄՍ նախարարությունը ու Լատվիայում ՀՀ պատվավոր հյուպատոս Մխիթար Մխիթարյանը։

Միջոցառման ավարտին դեսպանության կողմից կազմակերպվել էր ընդունելություն։

Սերգեյ Փարաջանովի ծննդյան 100-ամյակին նվիրված միջոցառումների ցանկում՝ հոկտեմբերի 20-ին Լատվիայում հայտնի Ռունդալե պալատ-թանգարանում Կարինե Պարոնյանցը կազմակերպել էր նաև Փարաջանովին նվիրված իր նկարների ցուցահանդեսը, որն ուղեկցվեց դեսպանության աջակցությամբ ԿԳՄՍ նախարարության կողմից տրամադրված «Նռան գույնը ֆիլմի ցուցադրությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր