Մարտի 13-ին Վիլնյուսի Ֆրանսիական Ինստիտուտում տրվեց Ֆրանկոֆոնիայի միամսյակի մեկնարկը՝ մեծ շոնսոնիե Շառլ Ազնավուրին նվիրված լուսանկարների ցուցահանդեսով։

27 մարտի, 2025

Մարտի 13-ին, Վիլնյուսի Ֆրանսիական Ինստիտուտում տրվեց Ֆրանկոֆոնիայի միամսյակի մեկնարկը՝ մեծ շոնսոնիե Շառլ Ազնավուրին նվիրված լուսանկարների ցուցահանդեսով։

Միջոցառումը կազմակերպել էր Լիտվայում ՀՀ դեսպանությունը՝ Ֆրանսիայի դեսպանության, Ֆրանսիական ինստիտուտի հետ համագործակցությամբ։ Ցուցահանդեսին ներկայացված էին ֆրանսահայ հայտնի լուսանկարիչ, Ազնավուրի ընկեր, Ռոժե Կասպարյանի լուսանկարները, որոնք արվել էին 60-70-ականներին՝ մեծ երգչի համերգների ժամանակ և նրան պատկերում էին տարբեր իրավիճակներում ու տարբեր հանրահայտ անձանց հետ։

Ելույթներով հանդես եկան ՀՀ դեսպան Արա Մարգարյանն ու Ֆրանսիայի դեսպան Ալիքս Էվերարդը։

Դեսպան Մարգարյանը խոսեց մշակութային ու պետական գործիչ Ազնավուրի մասին, Հայաստանին և Ֆրանսիային մատուցած նրա անգնահատելի ծառայությունների, նրա մարդասիրական գործունեության մասին և կարևորեց Ազնավուրի երգարվեստի նշանակությունն ու ազդեցությունը Ֆրանկոֆոնիայի համար։

Միջոցառմանը ներկա էին Վիլնյուսում հավատարմագրված դեսպաններ, դիվանագետներ, ակադեմիական շրջանակների, տեղի հայկական և ֆրանսիական համայնքների ներկայացուցիչներ։ Մասնակցում էր նաև Ռոժե Կասպարյանի դուստրը՝ Լիդիան, ով մեծահոգաբար տրամադրել էր իր հոր լուսանկերների ցուցադրման իրավունքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր