Դեսպան Արա Մարգարյանի հանդիպումը Լիտվայի Սեյմասի արտաքին հարաբերությունների հանձնաժողովի նախագահի հետ

27 փետրվարի, 2026

2026թ. փետրվարի 26-ին Լիտվայում ՀՀ դեսպան Արա Մարգարյանը հանդիպել է Լիտվայի Սեյմասի արտաքին հարաբերությունների հանձնաժողովի նախագահ Ռեմիգիուս Մոտուզասի հետ։

Հանդիպման ընթացքում զրուցակիցները քննարկել են երկկողմ օրակարգի հարցերի լայն շրջանակ, ինչպես նաև համագործակցության խորացման հնարավորություններին առնչվող հարցեր։

Երկուստեք ընդգծվել է խորհրդարանական դիվանագիտության կարևոր դերը և երկու երկրների օրենսդիր մարմինների միջև ձևավորված ակտիվ համագործակցությունը։

Դեսպան Մարգարյանը ներկայացրել է Հարավային Կովկասում վերջին զարգացումները, այդ թվում՝ Հայաստանի և Ադրբեջանի միջև խաղաղության ինստիտուցիոնալացման ուղղությամբ գործադրվվող ջանքերը, ինչպես նաև «ԹՐԻՓՓ ուղի» նախագծի կյանքի կոչման արդյունքում ակնկալվող տարածաշրջանային հնարավորությունները։

Քննարկվել են նաև ՀՀ–ԵՄ գործընկերության խորացման ուղղությամբ իրականացվող աշխատանքները և Հայաստանի եվրոպական ձգտումները։ ՀՀ դեսպանը բարձր է գնահատել այս գործընթացում Լիտվայի կողմից Հայաստանին ցուցաբերվող աջակցությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր