Դեսպան Արա Մարգարյանի հանդիպումը Լիտվայի Հանրապետության կառավարությանն առընթեր Ազգային փոքրամասնությունների դեպարտամենտի տնօրենի հետ

13 մայիսի, 2026

Մայիսի 11-ին դեսպան Արա Մարգարյանը, Լիտվայում ՀՀ պատվավոր հյուպատոս Կարապետ Բաբայանի և Լիտվայի հայերի միության ղեկավար Արայիկ Թունյանի ուղեկցությամբ, հանդիպել է Լիտվայի Հանրապետության կառավարությանն առընթեր Ազգային փոքրամասնությունների դեպարտամենտի տնօրեն Դաինիուս Բաբիլասի հետ։

Դեսպանը զրուցակցին ներկայացրել է հայ-լիտվական երկկողմ օրակարգի մի շարք հարցեր։ Մասնավորապես, անդրադարձել է դեսպանության և Լիտվայի հայ համայնքային կառույցների կողմից կազմակերպվող միջոցառումներին՝ նվիրված Լիտվայի կողմից Հայաստանի անկախության ճանաչման 35-ամյակին և հրավիրել նրան մասնակցելու նախատեսվող միջոցառումներին։

Հանդիպմանը փոխանակվել են մտքեր ու քննարկվել են նաև Լիտվայում գործող հայկական համայնքային կառույցների գործունեությանը, ինչպես նաև ազգային փոքրամասնություններին տրամադրվող աջակցության ծրագրերին վերաբերող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր