Դեսպան Արա Մարգարյանի հանդիպումը Լիտվայի ազգային ռադիոյի և հեռուստատեսության գլխավոր տնօրենի հետ

30 հուլիսի, 2026

Ս.թ. հուլիսի 29-ին ՀՀ դեսպան Արա Մարգարյանը հանդիպել է Լիտվայի ազգային ռադիոյի և հեռուստատեսության (LRT) գլխավոր տնօրեն Մոնիկա Գարբաչաուսկայտե-Բուդրիենեի հետ։

Դեսպան Մարգարյանն անդրադարձել է Լիտվայի կողմից Հայաստանի Հանրապետության անկախության ճանաչման 35-ամյակի շրջանակներում դեսպանության կողմից նախատեսվող միջոցառումներին և նախաձեռնություններին։

Այդ համատեքստում մանրամասն ներկայացրել է ս.թ. օգոստոսի 15-ին Վիլնյուսի Բեռնարդինների այգում անցկացվելիք Հայկական փառատոնի և տոնավաճառի ծրագիրը՝ ընդգծելով, որ միջոցառումը կարևոր հնարավորություն է ներկայացնելու Հայաստանը, հայկական մշակույթը և ավանդույթները, ինչպես նաև արտահայտելու երախտագիտություն Լիտվային՝ Հայաստանի Հանրապետության անկախությունն առաջինը ճանաչելու համար։

Երկուստեք կարևորվել է միջոցառման լայն հանրայնացման և լիտվական հանրության շրջանում դրա տեսանելիության ապահովման անհրաժեշտությունը, ինչպես նաև պայմանավորվածություն է ձեռք բերվել LRT-ի կողմից միջոցառման լուսաբանման շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր