Դեսպան Մկրտչյանի այցը Վիսագինաս և Ալիտուս քաղաքներ

24 հոկտեմբերի, 2019

Հոկտեմբերի 22-ին Լիտվայում ՀՀ դեսպան Տիգրան Մկրտչյանն այցելեց Վիսագինաս, որտեղ հանդիպեց քաղաքապետ Էռլանդուս Գալագուզին։

Ողջունելով դեսպան Մկրտչյանին Վիսագինասում՝ Է. Գալագուզը ներկայացրեց քաղաքի արդյունաբերական հնարավորություններն ու զարգացման հեռանկարները՝ իր պատրաստակամությունը հայտնելով համագործակցություն հաստատել Հայաստանի համայքների հետ։

Կարևորելով Հայաստանի և Լիտվայի միջև ապակենտրոնացված համագործակցության զարգացումը՝ դեսպան Մկրտչյանը նշեց, որ առկա քաղաքական հարաբերությունների բարձր մակարդակը պետք է լրացվի նաև երկու երկրների վարչատարածքային միավորների միջև սերտ փոխգործակցության հաստատմամբ։

Հանդիպման ընթացքում քաղաքապետ Է. Գալագուզն բարձր գնահատեց տեղի հայ համայնքի ակտիվ և կառուցողական ներգրավվածությունը քաղաքի հասարակական-քաղաքական կյանքում, պայմանավորվածություն ձեռք բերվեց առաջիկայում համատեղ միջոցառումների անցկացման վերաբերյալ։

Հոկտեմբերի 23-ին դեսպան Մկրտչյանն այցելեց Ալիտուս, որտեղ քաղաքային թատրոնում մասնակցեց ռեժիսոր Սուրեն Շահվերդյանի կողմից բեմադրված Թենեսի Ուիլիամսի «Տրամվայ ցանկություն» պիեսի պրեմիերային։ Այցի շրջանակներում դեսպան Մկրտչյանը հանդիպեց նաև Ալիտուսի փոխքաղաքապետ Յուրգիտա Շուկևիչիենեյին, ում հետ քննարկվեցին Հայաստանի համայքնների հետ համագործակցություն հաստատելու հեռանկարները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր