Դեսպան Մկրտչյանի և Լիտվայի բժշկական գիտությունների համալսարանի ռեկտորի հանդիպումը

25 հոկտեմբերի, 2019

Հոկտեմբերի 25-ին Լիտվայում ՀՀ դեսպան Տիգրան Մկրտչյանն այցելեց Կաունաս, որտեղ հանդիպեց Լիտվայի բժշտակական գիտությունների համալսարանի ռեկտոր Ժալիունաս Ռեմիգյուսին։

Հանդիպման ընթացքում ռեկտոր Ժալիունաս Ռեմիգյուսը ներկայացրեց բուհի պատմությունը, կառուցվածքը և ներկայիս գործունեությունը, քննարկվեցին Երևանի պետական բժշկական համալսարանի և Լիտվայի բժշկական գիտությունների համալսարանի միջև իրավապայմանագրային համագործակցության հաստատման և փոխադարձ ծրագրերի իրականացման հնարավորությունները։

Դեսպան Մկրտչյանը նշեց, որ ԵՊԲՀ-ն կարևորում է միջազգային գործընկերներ համալսարանների հետ փոխգործակցությունը և պատրաստ է համագործակցություն հաստատել ուսանողների և դասախոսների կարճաժամկետ և երկարաժամկետ փոխանակման, համատեղ հետազոտությունների իրականացման, «Էրազմուս +» ծրագրի շրջանակներում այլ նախաձեռնությունների իրականացման հարցերում։

Ողջունելով հայկական կողմի առաջարկները՝ ռեկտոր Ժ․ Ռեմիգյուսը նշեց, որ Լիտվայի բժշկական գիտությունների համալսարանը բարձր է գնահատում ԵՊԲՀ առաջարկը և պատրաստ է համալսարանի հետ համագործակցության հաստատման ու զարգացմանը և բազմաբնույթ ծրագրերի իրագործմանը։

Կողմերը պայմանավորվածություն ձեռք բերեցին համատեղ աշխատանքներ տանել առաջիկայում փոխադարձ այցելությունների կազմակերպման և համագործակցության հաստատման օրակարգի ձևավորման շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր