Լիտվայում ՀՀ դեսպանի և Վիլնյուսի համալսարանի ռեկտորի հանդիպումը

10 հուլիսի, 2020

Հուլիսի 10-ին Լիտվայում ՀՀ դեսպան Տիգրան Մկրտչյանը հանդիպեց Վիլնյուսի համալսարանի ռեկտոր պրոֆ․ Ռիմվիդաս Պետրասուսկասին։

Շնորհավորելով ռեկտորի պաշտոնում ընտրվելու կապակցությամբ՝ դեսպան Մկրտչյանը Ռ․ Պետրասուկասին մաղթեց բեղմնավոր գործունեություն և հաջողություն։

Շնորհակալություն հայտնելով բարեմաղթանքների և այցելության համար՝ ռեկտոր Պետրաուսկասն իր պատրաստակամությունը հայտնեց խորացնելու ՀՀ դեսպանության հետ համագործակցությունը և նպաստելու նոր ու համատեղ նախաձեռնությունների իրականացմանը։

Հանդիպման ընթացքում դեսպան Մկրտչյանը ներկայացրեց ՀՀ դեսպանության գործունեության հիմնական ուղղությունները, կրթական, մշակութային ոլորտներում իրականացվող միջոցառումները, հայ-լիտվական հարաբերությունների ներկա բարձր մակարդակը՝ համոզմունք հայտնելով, որ Վիլնյուսի համալսարանն իր մեծ ավանդը կարող է ունենալ երկու ժողովուրդների միջև բարեկամության խորացման գործում։

Կողմերը քննարկեցին նաև Վիլնյուսի համալսարանում հայագիտության ծրագրի հաստատման հաստատման հնարավորությունները՝ պայմանավորվածություն ձեռք բերելով առաջիկայում այս ուղղությամբ կոնկրետ քայլեր ձեռնարկել և աշխատանքներ տանել համատեղ գործողությունների ծրագրի ու դրա իրականացման մեխանիզմների կազմման ուղղությամբ։

Հանդիպման ավարտին դեսպան Մկրտչյանը Վիլնյուսի համալսարանի գրադարանին նվիրեց Հայաստանի պատմությանն ու մշակույթին վերաբերող մոտ երկու տասնյակ բարձրարժեք գրքեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր