Լատվիայում ՀՀ դեսպան Տիգրան Մկրտչյանի և Լատվիայի խորհրդարանի փոխխոսնակ Ինեսե Լիբինա-Էգներեի հանդիպումը

13 օգոստոսի, 2020

Օգոստոսի 13-ին աշխատանքային այցով Ռիգայում գտնվող Լատվիայում ՀՀ դեսպան Տիգրան Մկրտչյանը (նստավայրը՝ Վիլնյուս) հանդիպեց Լատվիայի խորհրդարանի փոխխոսնակ Ինեսե Լիբինա-Էգներեին (Inese Lībiņa-Egnere):

Հանդիպման ընթացքում քննարկվեցին երկկողմ համագործակցության հետագա զարգացմանն ու ընդլայնմանն առնչվող հարցերի լայն շրջանակ՝ այդ համատքեստում ընդգծելով նաև խորհրդարանական հարթակի ներուժի լիարժեք օգտագործման կարևորությունը: Կողմերը վերահաստատեցին երկկողմ պատրատասկամությունը շարունակելու ջանքերը տարբեր մակարդակներում առկա երկխոսության դինամիկայի պահպանման ուղղությամբ:

ՀՀ դեսպանը և Լատվիայի խորհրդարանի փոխխոսնակն անդրադարձան նաև տարածաշրջանային օրակարգի հրատապ հարցերի: Զրուցակցի խնդրանքով դեսպան Մկրտչյանը ներկայացրեց ս․թ․ հուլիսի 12-ից սկսած ՀՀ պետական սահմանի հյուսիսարևելյան հատվածի երկայնքով Ադրբեջանի զինված ուժերի կողմից ձեռնարկված ագրեսիան, որի ժամանակ թիրախավորվել է նաև խաղաղ բնակչությունն ու քաղաքացիական ենթակառուցվածքները:

Ներկայացնելով Ադրբեջանի կողմից ՀՀ Մեծամորի ատոմակայանը ռմբակոծելու հնարավորության վերաբերյալլ հայտարարությունը՝ դեսպան Մկրտչյանը դա որակեց որպես պետական և միջուկային ահաբեկչության սպառնալիքի ուղղակի դրսևորում, որն արժանի է ամենախիստ գնահատականի։

Լատվիայի խորհրդարանի փոխխոսնակ Ինեսե Լիբինա-Էգներեն ընդգծեց ԼՂ հիմնախնդրի բացառապես խաղաղ կարգավորումը ԵԱՀԿ Մինսկի խմբի համանախագահության շրջանակներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր