Դեսպան Տիգրան Մկրտչյանի հանդիպումը Լատվիայի պաշտպանության նախարար Արտիս Պաբրիկսի հետ

07 հոկտեմբերի, 2020

Հոկտեմբերի 7-ին տեղի ունեցավ աշխատանքային այցով Ռիգայում գտնվող Լատվիայում ՀՀ դեսպան Տիգրան Մկրտչյանի և Լատվիայի պաշտպանության նախարար Արտիս Պաբրիկսի հանդիպումը։

Դեսպան Մկրտչյանը ներկայացրեց ս․թ․ սեպտեմբերի 27-ից Թուրքիայի անվերապահ աջակցությամբ և ջիհադիստ ահաբեկիչների ներգրավմամբ Ադրբեջանի զինված ուժերի կողմից Լեռնային Ղարաբաղի նկատմամբ իրականացվող լայնածավալ ագրեսիան, որն ուղեկցվում է քաղաքացիական բնակչության և ենթակառուցվածքների զանգվածային թիրախավորմամբ։

Տիգրան Մկրտչյանը, ընդգծելով ԵԱՀԿ ՄԽ համանախագահության ներքո բացառապես խաղաղ ճանապարհով Լեռնային Ղարաբաղի հակամարտությունը կարգավորելու Լատվիայի պաշտոնական դիրքորոշումը, կարևորեց նաև գործընկեր և բարեկամ երկրների կողմից ավելի թիրախային և հասցեական հայտարարությունների անհրաժեշտությունը ագրեսոր երկրների նկատմամբ։

Լատվիայի պաշտպանության նախարար Արտիս Պաբրիկսը շնորհակալություն հայտնեց դեսպան Մկրտչյանին հանդիպման և հայկական կողմի տեսակետը ներկայացնելու համար՝ ևս մեկ անգամ շեշտեց ռազմական գործողությունների անվերապահ դադարեցման և հակամարտության խաղաղ կարգավորման ուղղությամբ լուծումներ փնտրելու Լատվիայի պաշտոնական դիրքորոշման մասին։

Լատվիայի պաշտպանության նախարարի խնդրանքով դեսպան Մկրտչյանը մանրամասներ ներկայացրեց նաև Լեռնային Ղարաբաղի պատմությունից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր