Դեսպան Տիգրան Մկրտչյանի հրաժեշտի հանդիպումը Լիտվայի արտաքին գործերի նախարար Գաբրիելիուս Լանդսբերգիսի հետ

08 ապրիլի, 2021

Ապրիլի 8-ին Լիտվայի արտաքին գործերի նախարար Գաբրիելիուս Լանդսբերգիսը Լիտվայում դիվանագիտական առաքելության ավարտի կապակցությամբ ընդունեց ՀՀ դեսպան Տիգրան Մկրտչյանին։

Նախարար Լանդսբերգիսը բարձր գնահատեց դեսպան Մկրտչյանի ավանդը Լիտվայի և Հայաստանի միջև հաստատված բարեկամական հարաբերությունների խորացման և ամրապնդման գործում և հաջողություն մաղթեց դեսպանին իր հետագա դիվանագիտական գործունեության մեջ։

Դեսպան Մկրտչյանը շնորհակալություն հայտնեց ջերմ խոսքերի և իր պաշտոնավարման ընթացքում Լիտվայի արտգործնախարարության կողմից ցուցաբերված աջակցության համար և համոզմունք հայտնեց, որ հայ-լիտվական բարեկամությունը առաջիկայում ևս կշարունակի վերելք ապրել։

Հանդիպման ընթացքում կողմերն անդրադարձ կատարեցին նաև ՀՀ-ԵՄ հարաբերություններին, երկու երկրներում կորոնավիրուսի դեմ պայքարի միջոցառումներին, հայաստանյան ներքաղաքական և տարածաշրջանային զարգացումներին, առաջիկա բարձրաստիճան այցերի կազմակերպմանը։

Նախարար Լանդսբերգիսը շեշտեց Լիտվայի կառավարության պատրաստակամությունը շարունակելու աջակցել Հայաստանում ժողովրդավարական բարեփոխումների գործընթացին և կիսելու իրենց լավագույն փորձը Հայաստանի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր