Լիտվայում կազմակերվեց Սերգեյ Փարաջանովի ծննդյան 100-ամյակին նվիրված միջոցառումը

16 հոկտեմբերի, 2024

2024թ. հոկտեմբերի 15-ին Լիտվայում՝ Զարասայի համայնքային գրադարանում, ՀՀ դեսպանության, համայնքային վարչակազմի ու գրադարանի հետ համագործակցությամբ, կազմակերպվել էր կինոյի եզակի ու հանճարեղ ստեղծագործող Սերգեյ Փարաջանովի ծննդյան 100-ամյակին նվիրված միջոցառում։

Գրադարանի սրահում բացվել էր նաև «Sergei Parajanov: life like a move» լուսանկարչական ցուցահանդեսը, որտեղ ներկայացված էին արվեստագետի կյանքի տարբեր դրվագներից վերցված լուսանկարներ։

Միջոցառման ընթացքում ողջույնի խոսքոսվ հանդես եկան Լիտվայում ՀՀ արտակարգ և լիազոր դեսպան Արա Մարգարյանը, Զարասայի շրջանի համայնքային վարչակազմի տնօրեն Աուրելիուս Բանիսը, գրադարանի տնօրեն Դանուտե Կարլիենեն։ Ցուցահանդեսի կազմակերպիչ Լյուսիյա Արմոնայտեն ներկայացրեց Սերգեյ Փարաջանովի բարդ, բայց միևնույն ժամանակ գունեղ կյանքը, ծանոթացրեց նրա արվեստի նշանավոր գործերին։

Միջոցառումն ուղեկցվում էր լիտվահայ երիտասարդ Դավիթ Ավետիսյանի կողմից հնչեցվող հայկական ավանդական դուդուկի երաժշտությամբ։ Ներկա էին Զարասայ և Վիսագինաս քաղաքների համայնքային իշխանությունների, տեղի հասարակության, Լիտվայի համայնքային կազմակերպությունների ներկայացուցիչներ, արվեստի և մշակույթի գործիչներ, լրագրողներ, ուսանողներ։

Միջոցառման ավարտին կազմակերպված ընդունելության ընթացքում հյուրասիրվեցին հայկական ավանդական խոհանոցի ուտեստներ և հայկական գինի։

Դեսպանության կողմից գրադարանին նվիրվեց Հայաստանի, հայկական մշակույթի, արվեստի, պատմության մասին գրքեր։

«Sergei Parajanov: life like a move» ցուցահանդեսը բաց կլինի մինչև ս.թ. նոյեմբերի 18-ը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր