Դեսպան Արա Մարգարյանի հանդիպումը Լիտվայի ազգային գրադարանի գլխավոր տնօրենի հետ

20 հոկտեմբերի, 2026

եսպան Արա Մարգարյանի հանդիպումը Լիտվայի ազգային գրադարանի գլխավոր տնօրենի հետ

2026թ․ հոկտեմբերի 19-ին Լիտվայում ՀՀ արտակարգ և լիազոր դեսպան Արա Մարգարյանը հանդիպել է Լիտվայի ազգային գրադարանի գլխավոր տնօրեն Աուշրինե Ժիլինսկիենեի հետ։

Հանդիպման ընթացքում զրուցակիցները քննարկել են Հայաստանի և Լիտվայի միջև գիտակրթական և մշակութային համագործակցության զարգացման, մասնավորապես՝ գրադարանների փոխգործակցության ընդլայնման հնարավորությունները։

Աուշրինե Ժիլինսկիենեն պատմել է երկու շաբաթ առաջ Հայաստան կատարած այցի և ունեցած հանդիպումների մասին՝ ընդգծելով երկու երկրների ազգային գրադարանների միջև համագործակցության մեծ ներուժը։

Դեսպան Մարգարյանը ներկայացրել է ՀՀ նախագահ Վահագն Խաչատուրյանի նախաձեռնությամբ՝ հայտնի գրող Գուրգեն Մահարու կնոջ՝ Անտոնինա Պովիլայտիտե-Մահարու «Իմ ոդիսականը» («Mano odisėja») լիտվերեն հրատարակված գիրքը։

Այս համատեքստում զրուցակիցները քննարկել են 2027թ․ Լիտվայի ազգային գրադարանում գրքի շնորհանդեսի կազմակերպման հնարավորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր